СЭЛЭНГЭ АЙМАГ ДАХЬ ЦАГДААГИЙН ГАЗРЫН

ТӨЛӨВЛӨЛТ, ЗОХИОН БАЙГУУЛАЛТЫН ТАСГИЙН ТАНИЛЦУУЛГА

            Сэлэнгэ аймаг дахь Цагдаагийн газрын Төлөвлөлт, зохион байгуулалтын тасгийн бүхий л түүх Цагдаагийн газрын үүсч хөгжсөн түүхэн замналтай салшгүй холбоотой юм.

            Анх Сэлэнгийн цагдан сэргийлэх анги нь 1 давхар, гар галлагаатай дүнзэн байшинд үйл ажиллагаагаа явуулж эхэлсэн тэр үед санхүүгийн ня-бо 1, аж ахуйн ажлын жолооч-1, сэргийлэхийн шуурхай албаны жолооч-2, эд аж ахуйн  нярав-1, цэвэрлэгээний үйлчлэгч-1 гэсэн орон тоотойгоор ажил үйлчилгээ явуулж байжээ.

            Санхүү, аж ахуйн албыг хошууч Н.Рагчаа /1970-1987/ ахмад Л.Сумжав /1989-1991/, ЦЕГ-ын Хөдөлмөрийн аварга ажилтан, цагдаагийн хошууч М.Чимэдбаатар /1991-2004/, цагдаагийн ахмад Д.Цолмон /2004-2014/ нарын дарга нар удирдаж аж ахуй, санхүүгийн үйл ажиллагаа явуулж, өнөөгийн хамт олонд хүлээлгэн өгсөн ба Цагдаагийн албаны шинэ хууль батлагдан хэрэгжиж эхэлснээр Дэмжлэг үзүүлэх тасаг болон өргөжиж, тасгийн даргаар цагдаагийн дэд хурандаа Б.Батсайхан /2014 онд/, цагдаагийн дэд хурандаа И.Эрдэнэбилэг  2015 оны 02-дугаар сараас одоог хүртэл томилогдон ажиллаж байна.

            Цагдаагийн газар, хэлтэс, цагдан сэргийлэх ангийн ерөнхий нягтлан бодогчоор дэслэгч Х.Гомбодорж /1965-1970/, хошууч Н.Рагчаа /1970-1987/, ахлах дэслэгч Ш.Гансүх /1987-1992/, Д.Пүрэв /1992-1995/, цагдаагийн ахмад С.Галхүү /1995-2002/, цагдаагийн ахмад Ч.Гансүх /2002-2011/, цагдаагийн ахмад Б.Сарантуяа /2011-2013/ нар ажиллаж байсан ба 2014 оноос цагдаагийн ахлах дэслэгч Д.Мягмар томилогдон ажиллаж байна.

            Тооцооны нягтлан бодогчоор Ц.Отгонбаяр /1991-1993/, цагдаагийн ахлах ахлагч Д.Мягмар /1995-2008/, цагдаагийн дэд ахлагч С.Нацагдорж /2008-2012/,  цагдаагийн ахлагч З.Гийхнаран /2013-2015/ нар ажиллаж байсан ба 2015 оны 07-дугаар сараас дадлагажих ажилтан Б.Цэцэгсайхан томилогдон ажиллаж байна.

            Аж ахуйн няраваар ахлагч Б.Даваажав /1982-1991/, ЦГ-ын 3 удаагийн Хөдөлмөрийн аварга ажилтан, цагдаагийн ахлах ахлагч Д.Цолмон /1991-2004/, цагдаагийн ахлах ахлагч Н.Даваатулга /2005-2007/, цагдаагийн ахлагч Ч.Гандүүрэн /2007-2012/, цагдаагийн дэд ахлагч Б.Мөнхбат /2012-2015/ нар ажиллаж байсан.

            Одоогийн цагдаагийн газрын байрлаж буй цагдаагийн төв конторын зориулалт бүхий иж бүрэн барилга 1984 онд баригдаж ашиглалтанд орсон ба төсөв хөрөнгө, орон тоо нь жил бүр өсөн нэмэгдсээр 1980 онд Цагдаагийн хэлтэс, 1992 онд Цагдаагийн газар болон өргөжсөн бөгөөд тус тасаг нь 2014-2015 онд Дэмжлэг үзүүлэх тасаг, 2015 оны 05-дугаар сараас Төлөвлөлт, зохион байгуулалтын тасаг болон нэршил өөрчлөгдөж, санхүү, аж ахуйн үйл ажиллагааг тасралтгүй явуулж, алба хаагчдын нийгмийн асуудлыг дээшлүүлэх, ажлын байрны ая тухтай орчинг бий болгох зорилт тавин ажиллаж байна.

            Тус тасагт Мандал, Сайхан сум дахь сум дундын цагдаагийн хэлтэс, хэсгийн Төлөвлөлт, зохион байгуулалтын албадын санхүү, аж ахуйн алба хаагчид, хүний нөөц, мэдээлэл судалгааны мэргэжилтэнгүүд, үйлчилгээний ажилтнууд тус тус харъяалагддаг ба төсөвт орон тоогоор офицер 16, ахлагч 10, энгийн орон тоонд 8, нийт 34 алба хаагч ажиллаж байна.

            Бүрэлдэхүүний 76%-ийг дээд, 3%-ийг тусгай дунд, 21%-ийг бүрэн дунд боловсролтой алба хаагчид эзэлж байна.

            Тус тасаг нь төсөвт хөрөнгийг зориулалтаар нь зөв зохистой зарцуулах, санхүүгийн анхан шатны бүртгэлийг сайжруулах, бие бүрэлдэхүүний ажлын байрны нөхцлийг сайжруулах, албаны шуурхай бэлэн байдлыг хангах, алба хаагч нарын нийгмийн асуудлыг шийдвэрлэх талаар анхаарч ажиллахын зэрэгцээ шинэчлэлийн засгийн газрын бодлого шийдвэр, Цагдаагийн ерөнхий газар болон Цагдаагийн газраас дэвшүүлсэн зорилтуудыг биелүүлэхэд цагдаагийн байгуулллагын үйл ажиллагааны стандартыг мөрдлөг болгон ажиллаж байна.

Манай хамт олны дунд төрийн болон Ардын хувьсгалын ойн медальтнууд, залуучуудын байгууллагын шагналтнууд, Цагдаагийн газрын хөдөлмөрийн хошой аварга ажилтнууд олноор төрсөн.

Тус тасгийн хамт олон нь нийт бие бүрэлдэхүүний ажил үүрэг гүйцэтгэх хэрэгцээ, шаардлагыг хангасан орчин үеийн зэвсэг, техник хэрэгсэл, тусгай  тоног төхөөрөмж, компьютер зэргээр хангаж, цагдаагийн байгууллагын шуурхай ажлын бэлэн байдлыг хангах, үйлчилгээний чанарыг дээшлүүлэх талаар анхааран ажиллаж байна.